El procesu creativu de Fasenuova

Autor: Ernesto Avelino, Roberto Lobo

Disciplina: Música

Descripción:

Fasenuova son Roberto Lobo y Ernesto Avelino, un proyectu artísticu asturianu dedicáu a la música esperimental electrónica, con amplia reconocencia nacional ya internacional. Col proyectu que presenten vamos conocer el procesu creativu de la formación que, cola cuarentena sufrió un parón prácticamente total. Ariendes d’ello, a lo llargo d'estes selmanes que pasen aisllaos en casa, siguen trabayando en tolos aspectos que-yos dexa la realidá. Estos trabayos, a distancia y fechos nos estudios que tienen en casa, son los qu'ilustren esti proyectu nel que nos amuesen les ferramientes de comunicación y l’el quipu col que trabayen nesti confinamientu, el procesu creativu como tal y el diseñu escenográficu.

Les creaciones de Fasenuova vieron la lluz n'ensame de sellos independientes, anque ye baxo la editorial asturiana Humo Internacional onde tán espublizando los sos trabayos más importantes y reconocíos. Fasenuova gocia d'un reconocíu prestíxu ente la crítica musical y ye una banda de cultu nel panorama esperimental internacional. A pesar de les dificultaes que supón sacar alantre un trabayu en principiu papúblicu minoritariu, la realidá ye que Fasenuova ye anguaño un de los proyectos artísticos con más continuidá nel tiempu y más reconocíu fuera d'Asturies.

Nel momentu previu al confinamientu, taben trabayando n'un LP que, en terminándolu, va ser producíu por Óscar Mulero, como yá lo foi'l postreru Aullíos Metálicos.