La peste

Autor: Jorge Moreno

Disciplina: Artes escéniques

Descripción:

La crisis del coronavirus nun llegó namás pa llevar per delantre víctimes, sinón pa tracamundiar la nuestra forma de vida, los nuestros códigos morales, la nuestra percepción de la realidá… condicionando sobre manera’l futuru inmediatu de toa una xeneración.

Siguiendo toos estos acontecimientos qu’amenacen con siguir influenciando les nuestres actitúes ordinaries, el dramaturgu Jorge Moreno presenta’l so trabayu esperimental La Peste que, basándose nel llibru homónimu d’Albert Camus, quier amosar el procesu creativu d’un autor col que s’imbrica la realidá circunstancial na “simple” adecuación d’un testu a la escena, ensin garantía d’éxitu final.

Jorge Moreno ye llicenciáu en Xeografía y Historia y participa dende 1994 -como actor, autor, director y productor- en munchos espectáculos. Obtuvo premios en certámenes d’Asturies, Andalucía, Estremadura, Murcia y La Rioxa, ente otres comunidaes. Recibió’l Premiu AsturiesXoven 2004 de Testos Teatrales, el Premiu Carlos Arniches 2006, el Concurs de Dramatúrgia La Jarra Azul 2011 y el Premiu Jesús Domínguez 2013. Delles de les sos comedies represéntense davezu en circuitos nacionales y iberoamericanos.